Library
Profile
ଆକାଶକୁ ତୁମେ ଭଲ ପାଅ ବୋଲି
ଆକାଶକୁ ତୁମେ ଭଲ ପାଅ ବୋଲି
1 min
508
ଆକାଶକୁ ତୁମେ ଭଲ ପାଅ ବୋଲି
ମେଘକୁ ମୁଁ ଭଲ ପାଏ
ଝରା ବରଷାରେ ବାଦଲ ଭିତରେ
ତୁମକୁ ମୁଁ ଖୋଜୁଥାଏ (1)
ତୁମେ କମଳକୁ ଭଲ ପାଅ ବୋଲି
ମୁଁ ସୂର୍ଯ୍ୟକୁ ଭଲ ପାଏ
କମଳ ପାଖରେ କଳିଟିଏ ହୋଇ
ରହିବାକୁ ଭାବୁ ଥାଏ (2)
ତୁମେ ଚାନ୍ଦିନୀକୁ ଭଲ ପାଅ ବୋଲି
ମୁଁ ଚାନ୍ଦକୁ ଭଲ ପାଏ
ତୁମରି ମୁହଁକୁ ଚାନ୍ଦିନୀ ରାତିରେ
ଦେଖି ଭାରି ଖୁସି ହୁଏ (3)
ତୁମେ କବିତା କୁ ଭଲ ପାଅ ବୋଲି
ଆଜି ମୁଁତ କବିଟିଏ
ମୋ କବିତା ପଢି ଖୁସି ହୁଅ ବୋଲି
ତୁମ ପାଇଁ ଲେଖୁଥାଏ (4)
