Library
Profile
ଆଜିର ନାରୀ ନୂଆ ରୂପରେ
ଆଜିର ନାରୀ ନୂଆ ରୂପରେ
ଆଜି ଆଉ ନାରୀ ଘରକୋଣେ ଲୁଚି
ରହେନା ଅଵଗୁଣ୍ଠନେ,
ପରିବର୍ତ୍ତନର ସ୍ରୋତେ ଭାସିଚାଲେ
ଭରି ନୂଆ ଆଶା ମନେ |
ପୁରୁଷ ପରି ସେ କରିପାରେ ସବୁ
ଯେତେ ବଡ଼ କାମ ହେଉ,
ଦେଶ ପ୍ରେମେ ମଜ୍ଜି ସଇନିକ ସାଜି
ଝରାଏ ଶତ୍ରୁର ଲହୁ |
କିଏ ଉଡିଲାଣି ଉଡ଼ାଜାହାଜରେ
ସୁଦକ୍ଷ ଚାଳକ ହୋଇ,
କିଏ ରହିଲାଣି ମହାକାଶେ ଯାଇ
ଗୁଢ ଗବେଷଣା ପାଇଁ |
ଯୁଦ୍ଧ ଜାହାଜକୁ ଚଳାଏ ସାଗରେ
ହୋଇ ଶ୍ରେଷ୍ଠ ବୀରାଙ୍ଗନା,
ଇଉକ୍ରେନର ସେ ପ୍ରଥମ ନାବିକା
ଭାବେ ବିଶ୍ୱେ ହେଲେ ଗଣା |
ଆଜି ପ୍ରତି କ୍ଷେତ୍ରେ ପୁରୁଷ ସହିତ
ମିଶି କାମ କରେ ନାରୀ,
ଚାଷ କ୍ଷେତ୍ର ଠାରୁ ନୌକରୀ ପର୍ଯ୍
ୟନ୍ତ
ସବୁଠି ଅଛନ୍ତି ପୁରି |
ବିଶ୍ୱରେ ଅନେକ ଦେଶର ଶାସନ
ଡୋରୀ ଆଜି ନାରୀ ହାତେ,
ସଂସାର ସମୃଦ୍ଧି ପାଇଁ କାର୍ଯ୍ୟରତା
ସମର୍ପିତା ଜନହିତେ |
ପ୍ରମାଣିତ ଆଜି ନାରୀ ନୁହେଁ କେବେ
ପୁରୁଷ ଠାରୁ ଦୁର୍ବଳ,
ବିଭୁଙ୍କ ସୃଷ୍ଟିରେ ସମାନ ଦୁହେଁ ତ
ଭିନ୍ନ ରଙ୍ଗେ ଦୁଇ ଫୁଲ |
ଘରୁ ବାହାରି ସେ ସବୁକାମ କରି
ଘରେ ଯେବେ ଫେରିଆସେ,
ପରିବାର କଥା ବୁଝେ ନିରନ୍ତର
ବାନ୍ଧି ଯତ୍ନେ ସ୍ନେହ ଫାସେ |
ତଥାପି ଆଜି ବି ନୁହେଁ ସୁରକ୍ଷିତା
ନାରୀ ଆମ ସମାଜରେ,
ନଷ୍ଟ ପୁରୁଷର ନିର୍ଯ୍ୟାତନା ଭୋଗେ
ଆଖିରୁ ତା ଲୁହ ଝରେ |
