ଆଈଙ୍କ ସ୍କୁଟି

ବାହା ଘର ଦିନ ଅଜା ଦେଇଥିଲେ 

ଆଈଙ୍କୁ ଖଣ୍ଡିଏ ସ୍କୁଟି 

ସଜାଇ ହୋଇକି ବୁଲିବେ ବୋଲି ସେ

ସରିଲା ପରେ ଡିଉଟି ।

ବୁଲୁଥିଲେ ଆଈ ଅଜା ସାଥେ ମିଶି 

ଖରାପ ହେଲେ ବୁଲେଟ 

ସହର ଲୋକ ତ ଈର୍ଷା କରୁଥିଲେ 

ଚାହୁଁ ଥିଲେ ମଟମଟ । 

ଲିପିଷ୍ଟିକ ବୋଳା ଆଈଙ୍କ ଓଠରୁ 

ପଡୁଥିଲା ହସ ଝରି 

ସ୍କୁଟିର ଇସ୍ପିଡି ବଢ଼ି ଯାଉଥିଲା 

ବୁଲେଟ ସାଥିରେ ଲଢି । 

ପୋଲିସ୍ ମାମୁଁର ବ୍ୟବହାର ଦେଖି 

ଆଖିରୁ ଖରିଲା ପାଣି।

ଫୋଓନ କରିଲେ ଅଜାଙ୍କ ପାଖକୁ 

ଦିଅ ହେ ପଇସା ଆଣି 

ଅଜବ ନିୟମ ଗଜବ ସର୍କାର 

ଆଈ ହୋଇଗଲେ କାବା 

ଗଣିଲେ ଚାଲାଣ ଆଖିବୁଝି ଦେଲେ 

ଡାକିଲେ ରଖହେ ବାବା ।