ଲାଇବ୍ରେରୀ
ପ୍ରୋଫାଇଲ୍
ଆହ୍ବାନ
ଆହ୍ବାନ
1 min
445
ରଙ୍ଗୀନ ଏଇ ରଙ୍ଗ ମଞ୍ଚରେ
କେତେ କରେ ନର ଅଭିନୟ
ସୃଷ୍ଟି ସଜାଡି ରଖିଚି ତାଲାଗି
କେତେ ମସଜିଦ ଦେବାଳୟ।
ବାର ମାସେ ତେର ପରବ କରିଛି
ଜୀବନକୁ ତାର ରସମୟ
ସୁବର୍ଣ ବରଣ କନକ କିରଣ
କରେ ଜୀବନକୁ ମଧୁମୟ ।
ଖାଇବା ଦରବ ନୋହିଛି ଅଭାବ
ରହିବା ପାଇଁକି ନାହିଁ ଭୟ,
ସୀମା ହୀନ ତାର ମନୋରଞ୍ଜନର
ତଥାପି କିଆଁ ସେ ନିରୁପାୟ?
କ୍ଷଣିକ ସଂସାରେ ଜୀବନ ସମରେ
ନଆସୁ ହେ ନର ପରାଜୟ
ଅମୃତ ସନ୍ତାନ ଜାଗିଉଠ ରୋକ
ଏଇ ସ୍ରୁଷ୍ଟିର ମହାକ୍ଷୟ ।
ତରବାରୀ ନୁହେଁ ଲେଖନୀ ଧରହେ
ନୂଆ କିଛି ତୁମେ ରଚିଯାଅ,
ଏ ଦେଶ ବାସୀଙ୍କୁ ନୂଆ ମନ୍ତ୍ରରେ ଅଭିମନ୍ତ୍ରିତ କରିଦିଅ।
