ଆଦ୍ୟ କାର୍ତ୍ତିକ ର ଗୀତ
ଆଦ୍ୟ କାର୍ତ୍ତିକ ର ଗୀତ
ଆଦ୍ୟ କାର୍ତ୍ତିକ ର ଶିଶିର ପଖଳା ସକାଳ ସୁନେଲି କର
ପ୍ରସାରିତ କରି ଅମୃତ ବେଳାରେ ଉଦୟ ହେଲେ ମିହିର
ଉଭା ହୋଇଲେଣି (ମୋ) କାଳିଆ ସାଆନ୍ତ
ବେଶ ରାଇ,ଦାମୋଦର ,ସକାଳ ସୁନେଲି କର
ପାହାନ୍ତା ପହରୁ ଶଂଖ, ଘଣ୍ଟ, ଘଣ୍ଟା ମଙ୍ଗଳ ଧ୍ଵନି ର ସ୍ଵର
ହୁଳହୁଳି ଶଦ୍ଦ ଗୀତ ଜନ୍ତ୍ର ବାଦ୍ୟ ମନ ହେଲାଣି ଅସ୍ଥିର
ଆଗୋ ପ୍ରାଣସହୀ ଚାଲ ବେଗ ହୋଇ
ଦର୍ଶନ କରିବା ଚାଲ , ସକାଳ ସୁନେଲି କର
କାର୍ତ୍ତିକ ପବିତ୍ର ମାସ ରେ ହବଷ୍ୟ, ବ୍ରତ ଉପବାସ ସାର
ବାଲୁଙ୍କା ପୁଜା ରେ କାଟିବା ସକାଳ ଦୀପଦାନ ସଞ୍ଜ ବେଳ
ଆକାଶ ଦୀପ କୁ ଜଳାଇ ସହୀରେ
ଶରଣ ଯିବା ତାଙ୍କର , ସକାଳ ସୁନେଲି କର
ଧରମ ମାସ ୟେ ଶୁଣିବା ସହୀରେ କାର୍ତ୍ତିକ ମହାତ୍ମ ପୋଥି
ଅପୂର୍ବ ସେ କଥା ଅମୀୟ କାହାଣୀ ଜଳନ୍ଧର, ବୃନ୍ଦାବତୀ
ହେବାରେ ମଗନ କରି ଦରଶନ
ନୀଳାଚଳେ ରମାବର , ସକାଳ ସୁନେଲି କର
କୁମାର ପୂନେଇଁ ପାଶାଖେଳେ ହାରି ଯାଇଛନ୍ତି ବାସୁଦେବ
ବନ୍ଧା ପଡିଛନ୍ତି ମାଧୋଇ ଦେଖିବା ସେହି ଲୀଳା ଅଭିନବ
ଲକ୍ଷ୍ମୀ ନାରାୟଣ ସେ ରୂପ ଦର୍ଶନ
(ମାୟା) ସଂସାରୁ କରିବ ପାର , ସକାଳ ସୁନେଲି କର