ଆଦିଶକ୍ତି ମା ଶୈଳପୁତ୍ରୀ

ନବରାତ୍ରିର ପ୍ରଥମ ଦିବସରେ ମା'ଙ୍କୁ ଭକ୍ତିପୂତ ପ୍ରଣାମ🙏🏻🙏🏻🙏🏻


ଶରତ ଆକାଶେ ଭକ୍ତିର ଜୁଆର,
ମା'ଙ୍କ ଆଗମନେ ହସେ ସାରା ସଂସାର।
ନବରାତ୍ରି ଆଣେ ଶୁଭ ମୁହୂର୍ତ୍ତ,
ମାଆଙ୍କ ଚରଣେ ମନ ହୁଏ ନତ।।

ପର୍ବତରାଜଙ୍କ ତୁମେ ଦୁଲାଳୀ,
ଶୈଳପୁତ୍ରୀ ମା, ଜଗତକୁ ପାଳି।
ବୃଷଭ ବାହନେ ଦିବ୍ୟ ରୂପ ତୁମ,
ଦର୍ଶନେ ପବିତ୍ର ହୁଏ ଭକ୍ତଙ୍କ ମନ।।

ଏକ ହସ୍ତେ ଶୋଭେ ତ୍ରିଶୂଳ ତୁମର,
ଅନ୍ୟ ହସ୍ତେ ଫୁଟେ ପଦ୍ମର ଜୁଆର।
ଶାନ୍ତ ମୁଖମଣ୍ଡଳ, କରୁଣାର ଧାରା,
ତୁମ କୃପା ମା, ମୋ ଜୀବନର ସାହାରା।।

ଦୁଃଖର ଅନ୍ଧାରେ ଦୀପ ଜାଳିଦିଅ,
ଭଙ୍ଗା ହୃଦୟରେ ଆଶା ଭରିଦିଅ।
ବିପଦର ବାଟରେ ହାତ ଧରି ନିଅ,
ଅଧର୍ମ ବିନାଶି ଧର୍ମ ସ୍ଥାପନା କରିଦିଅ।।

ତୁମେ ଆଦିଶକ୍ତି, ତୁମେ ମହାମାୟା,
ତୁମ ବିନା ଶୂନ୍ୟ ଏ ସାରା ଦୁନିଆ।
ତୁମ ନାମ ଜପି ମା ମୋ ଦିନ ବିତିଯାଉ,
ତୁମ ଆଶୀର୍ବାଦେ ଜୀବନ ହସିଉଠୁ।।

ପ୍ରଥମ ନବରାତ୍ରି, ପ୍ରଥମ ଆରାଧନା,
ତୁମ ଚରଣେ ମାଆ, ମୋର ଏହି ପ୍ରାର୍ଥନା।
ସମସ୍ତଙ୍କ ଘରେ ସୁଖଶାନ୍ତି ଭରିଦିଅ,
ଭକ୍ତି ଓ ବିଶ୍ୱାସର ଜ୍ୟୋତି ଜଳାଇଦିଅ।।

ହେ ମା ଶୈଳପୁତ୍ରୀ, ଘେନ ମୋ ପ୍ରଣାମ,
ତୁମ ଚରଣେ ଲେଖୁଛି ଭକ୍ତିର ଏ ନାମ।
ଜନ୍ମ ଜନ୍ମାନ୍ତରେ ରହୁ ତୁମ ଛାୟା,
ଜୟ ଜୟ ଦୁର୍ଗେ, ଜଗଦମ୍ବା ମାୟା।।

🙏 ଜୟ ମା ଶୈଳପୁତ୍ରୀ 🙏
🌺 ଜୟ ମାଆ ଦୁର୍ଗା 🌺