ଆଧୁନିକତା

ଭୂମିରୁ ଆକାଶ ହୋଇଲା ବିଷାକ୍ତ

ବଦଳିଲା ପରିସଂସ୍ଥା

ଆଧୁନିକ ନିଶା କଳୁଷିତ ଭାଷା

ବିକୃତ ହେଲା ବ୍ୟବସ୍ଥା ।

ଆଧୁନିକ ପ୍ରେମେ ଶରୀରର ବେଶ

ଅର୍ଦ୍ଧାଙ୍ଗେ ହୋଇଲା ଲିପ୍ତ

ଭୁଲି ଦେଶ ପ୍ରେମ ପରିଚୟ ଦିଏ

ପାଶ୍ଚ୍ୟାତ ସଂସ୍କୃତି ଭକ୍ତ ।

ସମୟ ଅବଧି ଆଣେ ରୋଗବ୍ୟାଧି

ଯନ୍ତ୍ରାଂଶରେ କରେ କାମ

ଗଢ଼େ କାରଖାନା ଉଦ୍ଭିଦଙ୍କ ବିନା

କମୁଥାଏ ଅମ୍ଳଜାନ ।

ଭୋଗବାଦୀ ମନ ଦିଏ ନାହିଁ ଧ୍ୟାନ

ବିଗାଡେ ଧରଣୀ ପୃଷ୍ଠ

ସ୍ୱାଦିଷ୍ଟ ଭୋଜନେ ଗଢ଼େ ତା'ଜୀବନ

ପ୍ରକୃତିକୁ କରି ନଷ୍ଟ ।

ଆପଣା ଜିହ୍ଵାକୁ ଆକର୍ଷଣେ ଛେଦି

ସଜାଇଲା ଯେ ନଗର

ଚତୁର୍ଦିଗେ ଖାଲି କରି ପ୍ରଦୂଷଣ

ଜାଳିଲା ବିଷ ଜାଗର ।।