ଆଧୁନିକା ନାୟିକା

ଦେଖ ଏ, ଆଧୁନିକା ନାୟିକା, ଦେଖ ଏ

କାନ୍ଧରେ ଭ୍ୟାନିଟି ହାଇହିଲି ଚଟି

ଯୁବା ମନଭୁଲା ପକ୍କା ରସିକା

ଦେଖ ଏ, ଆଧୁନିକା ନାୟିକା |

ବିୟୁଟି ପାର୍ଲରକୁ ଯାଇ

କେଶ ଦନ୍ତ ନଖ ସଜାଇ

ଭୂରୁ ଶରାସନେ ନୟନ କମାଣେ

ହାଣିଦିଏ ଦମ୍ଭି ଦମ୍ଭ- ବାଟିକା

ଦେଖ ଏ, ଆଧୁନିକା ନାୟିକା |

ଝିଲିମିଲି ରଙ୍ଗିନୀ ଶାଢ଼ୀ

ଗୋରାଦେହେ ଯାଉଛି ଜଡ଼ି

ସ୍ନୋ ପାଉଡ଼ର ଲିପିସ୍ଟିକ ଅଧର

ସାଜେ ହିରୋଇନି,ସେ ରୁପାମ୍ବିକା,

ଦେଖ ଏ ଆଧୁନିକା ନାୟିକା |

ଶରମ ତ ଗଲା ଚୂଲିକି

ଦେଖ ଅଣ୍ଟା ଭଙ୍ଗା ଚାଲିକି

ପୁରୁଷ ଗହଳି ଭିତରେ ବିହରି

ଘୂରେ ରୂପରାଣୀ ବେଶ ସାଜିକା,

ଦେଖ ଏ ଆଧୁନିକ ନାୟିକା |

ଓଢ଼ଣାତ ମଥାରେ ନାହିଁ

କପାଳରେ ଟିକିଲି ନାଇ

ଶଙ୍ଖା ଶୂନ୍ୟ ହସ୍ତ ୱାଚ ଗଗଲେସ

ପୁରୁଷ ପୋଷାକେ ତନୁ ମଣ୍ଡିକା

ଦେଖ ଏ ଆଧୁନିକା ନାୟିକା |

ମୁଷ୍ଠିମେୟ ନାରୀଙ୍କ ପାଇଁ

ନାରୀଜାତି ନିନ୍ଦିତା ଭାଇ

ଇନ୍ଦିରା ପ୍ରତିଭା ସୁଷମାଙ୍କ ପ୍ରଭା

ମଥାରେ ଓଢଣୀ ହିନ୍ଦୁ ପ୍ରତିକା |