ଲାଇବ୍ରେରୀ
ପ୍ରୋଫାଇଲ୍
ଆଡ଼ପ ମଣ୍ଡପେ ଜଗତର ନାଥ
ଆଡ଼ପ ମଣ୍ଡପେ ଜଗତର ନାଥ
1 min
237
ଆଡ଼ପ ମଣ୍ଡପେ ବିଜେ ଲୋ
ପ୍ରଭୁ ଜଗତ ନାଥ
ଭାଇ ଭଉଣୀଙ୍କୁ ନେଇ ଲୋ
କେତେ କରୁଛି ନାଟ।
ସାରା ବରଷ ତୁ ଦେଖିଲେ
ଶିରୀ ମନ୍ଦିରେ ଯାଇ
ଆଡ଼ପ ମଣ୍ଡପେ ଥରୁଟେ
ଯେବେ ଦେଖିବୁ ଯାଇ।
ଜନମ ଜନମ ପାପ ଯେ
ସବୁ ହୋଇବ କ୍ଷୟ
ଅଭୟ ଦାତା ସେ ମଣିମା
ଦେବେ ପରା ଅଭୟ।
ଆଡ଼ପ ମଣ୍ଡପ ଶୋଭା ଯେ
କେବେ ବର୍ଣ୍ଣି ନୁହଁଇ
ଯେଉଁଠାରେ ବିଜେ କରନ୍ତି
ସେହି ଜଗତସାଇଁ।
ଅମର ଧାମରୁ ଅମରେ
ପରା ଆସନ୍ତି ଧାଇଁ
ଆଡ଼ପ ମଣ୍ଡପେ ଦର୍ଶନ
କରି କଳା ଗୋସାଇଁ।
