ଆଚରଣ ଉଚ୍ଚାରଣ

ଭାବରେ ଆମର ଅମୄତର ଧାର

   ବଚନରେ ମଧୁ ସୁଧା,

ଅଚିହ୍ନା ମଣିଷ ହୋଇଯାଏ ଚିହ୍ନା

   ବନ୍ଧୁତ୍ଵେ ନଥାଏ ବାଧା ।

ଉଚ୍ଚାରଣେ ଯଦି ରହିଲା ଅଶୁଦ୍ଧି

   ଗରଳ ପଡଇ ଝରି,

ସମ୍ପର୍କର ମାନ ହୋଇଥାଏ ନ୍ୟୁନ

    ମିତ୍ର ବି ହୁଅଇ ଅରି ।

ଶୁଦ୍ଧ ଆଚରଣେ ମାନ ନିର୍ଦ୍ଧାରଣ

   ଶିକ୍ଷା ଦୀକ୍ଷା ପରମ୍ପରା,

ଦୄଶ୍ୟ ହେଉଥାଏ ମହତପଣିଆ

   ନିରିମଳ ଚିନ୍ତାଧାରା ।

ସେହି ଆଚରଣ ହେଲେ ଅଶାଳୀନ

   ଶତ ଶତ ଆତ୍ମା କ୍ଷତ,

ପଦବୀ ଓ ଧନ ତୁଚ୍ଛା ଅଭିମାନ

    ମ୍ରିୟମାଣ ସୄଷ୍ଟିତାତ ।

ଆଚରଣ ସୁଧା ଉଚ୍ଚାରଣ ମଧୁ

   ପ୍ରଭୁଦତ୍ତ ଦିବ୍ୟଜ୍ଞାନ,

ଆଦରି ପାରିଲେ ବ୍ୟବହାରେ ତାଙ୍କୁ

   ମହତ ହୁଅଇ ଜନ ।