ଆ ସାଥୀ

ଆ ସାଥୀ...

ଆଖିରେ ବାନ୍ଧି କଳା ପଟି

ଖେଳିବା ପିରତୀର ଲୁଚକାଳି...

ତୁ'ଖୋଜିବୁ ମୋତେ ମୁଁ ଖୋଜିବି ତୋତେ ରାତି ଯାଉଥିବ ଢଳି (0)

ରାତିଟା ସାରିବା ଆମେ

ଖୋଜା ଖୋଜିରେ ।

ମଜାଥାଏ ପିରତୀରେ

ହଜିଯିବାରେ ।।

ଦୁର ଚାନ୍ଦ ଦେଖି ଦେଖି 

ଲାଜେଇ ଯିବ ।

ଜଣା ପଡିବନି ରାତି କେବେ ସରିବ ।

ଜଣେ କହୁଥିବ କିଛି

ଆଉ ଜଣେ ହସି ହସି

ଚାହୁଁଥିବ କହିବାକୁ ପଡିବ ପାଳି(୧)

 

ଖୋଲା ଆକାଶର ତଳେ ବସିବା ଟିକେ।

ଦୂରେଇ ନ ଯାଇ ତୁମେ ଥିବ ମୋ ପାଖେ ।

ଉଙ୍କି ମାରୁଥିବ ତାରା ଦୂର ଗଗନେ ।

ମନ ଉଡୁଥିବ ଆମ ଖୋଲା ପବନେ । 

ତୁମ ଖୋଲା ବୁକୁ ପରେ 

ମଥା ମୋ ରଖି ଧୀରେ

ଓଠ ଚୁମୁଥିବ ମନ ବନକୁ ଦଳି(୨)