(୦୫)*ବଦଳୁଛି ଦୁନିଆ* ସ୍ମୃତି୨୦୨୦
(୦୫)*ବଦଳୁଛି ଦୁନିଆ* ସ୍ମୃତି୨୦୨୦
ମଧୁଛଳନା ର ବାକ୍ ଚାତୁରୀରେ
ଭାସି ଚାଲିଥିଲେ ପୃଥିବୀ ବାସୀ
ଅଭିଶପ୍ତ ବର୍ଷ ଟିଏ ଥୋଇ ଦେଲା
ସତେକି ବିଧାତା କୁଆଡୁ ଆସି ,
ହସ ଲିଭିଗଲା ସବୁରି ଓଠରୁ
ଆଖିରୁ ବୋହିଗଲା ଲୁହର ଧାର
ସୁନା ହୀରା ଟଙ୍କା କାମ ଆସିଲାନି
ଭାଙ୍ଗି ଚାଲିଗଲା ସୁନା ସଂସାର ,
ବେସୁରା ହୋଇଲା ଜୀବନ ସଙ୍ଗୀତ
ଛନ୍ଦ ହୀନ ହେଲା ପ୍ରେମ ଦୁନିଆ
ପର ମନେ ହେଲେ ପ୍ରିୟ ସେ ମଣିଷ
ଆଖିକୁ ଦିଶିଲେ ସତେକି ନୂଆ ,
ଅନ୍ଧାର ଘୋଟିଲା ଦିନ ଥାଉଁ ଥାଉଁ
ବିଳାପି ଉଠିଲା ସଭିଙ୍କ ମନ
ନୂତନ ସୃଷ୍ଟିର ସଙ୍କେତ ଦେଇ କେ
ଟାଣି ନେଇଗଲା ଆମରି ଧ୍ଯାନ ,
ଅପେକ୍ଷାରେ ଅଛୁ ପ୍ରାର୍ଥନା କରୁଛୁ
ଫଗୁଣ ଆସିବ କେବେ ମହୀରେ
ସ୍ବପ୍ନର ଦୁନିଆ ପୁଣି ମହକିବ
ଅମୃତ ବୋହିବ ପ୍ରୀତି ନଈରେ ..... ।