जीवन म्हणजे अग्निपरीक्षा

जीवन म्हणजे अग्निपरीक्षा ,

सुख दुःख खेळ ऊन, पावसाचा

आकाश - धरतीसम जिणं ,

 क्षितिजापरी आभास मिलनाचा

स्मशान शांतता , रातकिडयांची किर्रकिर्र ...

पालीच चुकचुकणं, मन उदास , सैरभैर ...

भयाण ,काळ्या कुट्ट काळोखाचे साम्राज्य चोहीकडे ...

हरकत नाही ,पुन्हा नव्याने अवघी धरती प्रकाशमान होईल गडे !

शिशिर येईल पानगळ होईल ...

पुन्हा नव्याने वसंताचा बहर येईल

यदा कदाचित वणवा पेटेल ...

 पुन्हा नव्याने अंकुर फुटेल...