या विठूचा गजर हरिनामाचा

या विठूचा गजर हरिनामाचा झेंडा रोविला ।

या संतांचा मेळा गोपाळांचा डाव मांडिला ॥१॥

कौल घेतला लिहून शंभर वर्षे जाण ।

नांगर धरिला सत्वाचा बैल मन पवनाचा ॥२॥ झेंडा रोविला ।

उखळण प्रेमाची काढिली, स्वस्थ बसुनी सद्‍गुरूजवळी ।

प्याला घेतला ज्ञानाचा, तोच अमृताचा ॥३॥ झेंडा रोविला ।

पचतत्वांची गोफण, क्रोध पाखरे जाण ।

धोंडा घेतला ज्ञानाचा करीतसे जागरण ।

केशवदास म्हणे संतांचा मेळा गोपाळांचा ॥४॥ झेंडा रोविला ।