विषय-- हरवून जाते मन
विषय-- हरवून जाते मन
येता जलमोती खाली
जीव जातो वेडावून
नव्या स्वप्नांच्या कुशीत
धरा जाते हो गुंतून...
श्रावणाची हिरवळ
पसरता चहुकडे
निसर्गाचे नवे रूप
पुन्हा नव्याने सापडे...
शीळ घाली थंड वारा
नदी वाही झुळझुळ
बीज उगे मातीतून
सारी जगवाया कूळ...
दिसे शिवार साजरे
काय सांगू त्याचं रूप
मनी मोर पिसाऱ्याचं
चढे लावण्य हुरूप....
आभाळाच्या काळजाचं
धरतीला मुक्त देणं
गंध मातीला येताच
हरवून जाई मन....