तू माझीच आहेस
तू माझीच आहेस
हृदयातून नेहमीच एक
आवाज मला येतो
तू माझीच आहेस याची
ग्वाही मात्र देतो ||0||
तू दूर आहेस सखे
असं वाटतच नाही
विरहाचं विश्व मन
कधी थाटतंच नाही
खुणावून रोमँटिक
दुनियेत मला नेतो
तू माझीच आहेस याची
ग्वाही मात्र देतो ||0||
तुझं मन माझ्या आसपास
घुटमळतय
मला मात्र ते सखे
स्पष्टपणे कळतंय
मीही ती अनुभूती
वारंवार घेतो
तू माझीच आहेस याची
ग्वाही मात्र देतो ||2||
विश्वास माझा माझ्या
प्रेमावर तर आहे
मनात मात्र तूझ्या
माझंच घर आहे
कधीही डगमगलो
नाही आजपावेतो
तू माझीच आहेस याची
ग्वाही मात्र देतो ||3||