तुझ्याचसाठी..
तुझ्याचसाठी..
1 min
215
तुझ्याचसाठी जगलोय मी,
सुख-दु:खाच्या चार घटका,
तुझ्याचसाठी वागलोय मी,
हसतमुखाने चार घटका,
आता काही जगवेना,
हसतमुखाने वागवेना,
आता तरी सांग मजला,
जीवना तुझा अंत काय..?.....१..
घाबरलो नव्हतो दु:खामध्ये,
प्रतीक्षा नव्हती कसली आजवर,
परिभाषाच उमगली नाही जगण्याची,
विनाकारण हे जीवन,
जगणार कोठवर,
सुख नव्हतेच नशिबी याचा,
वाद नाहीच माझा,
तातडीने आता तरी माझी,
मरणाशी तू गाठ कर.....२..