स्वप्नांची रांगोळी
स्वप्नांची रांगोळी
1 min
235
माझ्या स्वप्नांची रांगोळी
आज दुर वाटे का मज
माझ्या मनातील एक गाव
आज पुन्हा येते या ओठी
त्याच आठवांचा मनी ठाव
विदीर्ण जाहल्या होत्या रेषा
नशीबाच्या या ही तळहाती
खुणा शोधती का ओळख
बंद नयनात का बुझु पाहती
खुल्या रानी अबोध गाणी
शब्द अपरिचित रेंगाळली
अजुनी बंद पापणी आड
स्वप्नांची लाट झोका झुली
रंग भरते कल्पना तयात
नभ ऊतरुनी यावे नयनात
माझ्या स्वप्नांची ती रांगोळी
भास भविष्याचे सजवतात
स्वप्न काजव्यांचे या नयनात
त्या स्वप्नास भरले ओंजळीत
येता सत्यात स्वप्नांची रांगोळी
भारावूनी जाई किरणे आसमंतात