स्वप्नांची झेप
स्वप्नांची झेप
झेलत जखमा तू अंगावरती
चाल एकटा तू त्या वाटेवरती,
असो वा नसो साथ तुला कोणाची !...
टाक पावले तू पुढे
सोबत तर आहे ना,
तुला स्वतःचीच !...
कठीण आहे हा मार्ग
नाही सरळ सोप्या वाटा,
आता निवडलास हा मार्ग
तर न थांबता टाकत जा,
तू पुढे पाऊलवाटा !..
छाप आपल्या पावलांची जशी उमटते त्या किनाऱ्यावरच्या वाळूवरती,
तशीच एक छाप तू
रेखाट स्वतःच्या यशाची,
तुझ्या आयुष्याच्या कारकिर्दीवरती !...
