स्वातंत्र्य

स्वातंत्र्य देते आविष्काराची संधीह

हवं तस वागण्याची देखील धुंदी

काय नि किती भोगायचं स्वातंत्र्य 

याच्यावर मात्र जरा असावी बंदी....१

ओ टी टी वर अश्लील सिनेमे 

कोवळ्या मनाचा कब्जा घेतात 

कुविचाराचे बीज वाढू लागते

स्वैराचार बलात्कार फणा काढतात....२

व्हाट्सअप फेसबुक इंस्टाग्राम

वाचाळांची विवेकाहीन मुक्त्ताफळे

समाजास भडकावणे होऊन बेभान

चाललाय कोठे हा समाज न कळे....३

वाणी दिलीय देवाने गोड बोलावं

स्वातंत्र्य म्हणून वृथा का बोचकारावं?

स्वातंत्र्य दुसऱ्याचही जपायला हवं

स्वातंत्र्याला कर्तव्याच कोंदणं द्यावं....४

नको पशु पक्ष्याना वृथा बंदिवास

पिजऱ्यांतलं सुखही किती बोचत 

मोकळ्या नभात उडण्याची आस

हिरव्या रानात जगायचं असतं....५

स्त्री पुरुष राज्यघटनेपुढे समान

यांचे महिलांना मोठे समाधान

तरी पायदळी सदा जातो सन्मान

 स्वत्वासाठी द्याव लागत प्राणदान....६

स्वातंत्र्य वागणं लिहणं बोलण्याच

स्वातंत्र्य आहे सन्मानाने जगण्याच

पोटासाठी या जगभर हिंडण्याचं

जपू स्वातंत्र्य माझं तुमचं त्यांचं...७