स्पर्श तुझा

हवाहवासा स्पर्श तुझा

मनात प्रीत फुलविण्या

देहभान विसरूनी सारे

वेड या हृदयास लागण्या

        पुसटश्या स्पर्शाने तुझ्या

        जणू वेड जीवा लागते

        बेधुंद मनाच्या लहरीत

         प्रीत तुझी ही फुलते

घेऊनी असं घट्ट मिठीत

काळीज माझं धडधडतं

छेडूनी हृदयाच्या तारा

जीव ही कासावीस होतं

       पहिला स्पर्श तुझा असा

      माझ्या नयनांशी भिडावा

     बघताच डोकावूनी डोळ्यांत

      तुझ्या प्रीतीने बेधुंद व्हावा

नकळत कसं इतकं प्रेम

तुझ्यावर निःशब्द करावे

हृदयाच्या कानाकोपऱ्यात

श्वास हे श्वासात अडकावे