संघटीत हो तरुणा

जीवनात तारुण्य हे

सामर्थ्यशाली रोमांचकारी

भूतकाळी डोकावून बघ

कार्य अलौकिक क्रांतिकारी

असंतोषातून अमृताने

पैजा जिंके ज्ञानेश्वरी

उठ संघटित हो तरूणा

घे तू गगनभरारी

स्वराज्याचे करण्या सुराज्य

देह झिजव चंदनापरी

प्रगती योग्य दिशेने होण्यास

जा उद्योगांच्या आधारि

आर्थिक दृष्ट्या होण्यास उन्नती

कर तंत्रज्ञानाचा वापर

प्रदूषण रोखण्यास

कर मोहीम वनीकरण युद्धपातळीवर

तुझे परमकर्तव्य

करणे देश सीमेचे संरक्षण

समाज परिवर्तनात आहे

तुझे विशेष स्थान