समाज

समाज समाज आपण नेहमीच ऐकतो,

आज तो एक आटलेला तलाव दिसतो.!!

कोणाचं कोणाशी काही देणं घेणं नाही,

कारण प्रत्येकाचं मन पिंजऱ्यात बंदिवान दिसते,

तेथे असतो फक्त दांभिकतेचा अवडंबर...||1||

किती हो भावनांचं नाते जोडलेलं,

का दिसत नाही हो समाजात,

एका चिमुकालीच्या देहावर पडलेल्या असतात वासनेच्या नजरा..||2||

इथे प्रत्येकाचीच संवेदनशीलता इतकी बोथट, की त्याला नाही कोणाची लागट,

काय करावं त्या छोटया जीवनं,

जेव्हा तिच्या चहू बाजूनं असतात पाशवी नजरा..||3||

आधार असतो समाज एका जीवाचा,

तोच उठला आज तिच्या जीवावर,

कधीच होणार नाही का बदल आपल्या मानसिकतेवर.?||4||

करूया आज आपण एक संकल्प,

देवूया आधार त्या जीवाला,

निर्भीडतेच्या आभाळाखाली मोकळी भरारी मारायला,

आणि म्हणूया..

समाज समाज आपण नेहमीच ऐकतो,

कारण तोच प्रगतीचा आधार असतो..