लाइब्रेरी
प्रोफाइल
श्रावण
श्रावण
1 min
40
श्रावण रिमझिमतोय
तनात
आणि मनामनात
श्रावण धुंद फुंद
नवोदितेच्या प्रणयासारखा
श्रावण मधाळ
षोडशेच्या हास्यासारखा
श्रावण ओढाळ
यक्ष गानातल्या विरहिणी सारखा
श्रावण खट्याळ
पाळण्यातल्या तान्हल्यासारखा
श्रावण चंदेरी श्रावण सोनेरी
श्रावणाची महती
श्रावणात जाणे
त्याचे रिमझिमणे
त्याचे बरसणे
जणू शृंगारलेल्या तरुणीच्या
अंगावर अत्तराचा शिडकावा
श्रावण बहरावा असाच
तनात मनात जीवनात
