शिक्षक राष्ट्राचा आधारस्तंभ'.*

*घडविण्या नवभारत*

*असे जयाचे योगदान*

*राष्ट्राचा आधारस्तंभ*

*करितो सदा विद्यादान ll१ll*

    *मिटवी तम अज्ञानाचा*

    *खुले करी ज्ञानाचे आभाळ*

    *झटतो दिनरात रेखण्या*

    *लेकरांच्या भविष्याचे भाळ ll२ll*

    

*रिक्त जरी हात जयाचे*

*लाजवी हा कर्णास*

*महत्व देई सदैव*

*विद्येच्या थोर दानास ll३ll*

     *विद्यार्थी हेच दैवत मानी*

     *जाई ना कुठे राऊळी*

     *शाळा हेच विश्व तयाचे*

     *भजे याच सदा देऊळी ll४ll*

*स्वप्न पाहे सानुल्या डोळां* 

*ज्ञानमंदिर हाच श्वास*

*कणा असे मम देशाचा*

*मनी ठेवी चैतन्याचा ध्यास ll५ll*