शीर्षक -शेतकरी बाप माझा

 साऱ्या जगाचा पोशिंदा

 शेतकरी माझा बाप

 कष्टास ना सीमा

 पदरी गरिबीचे माप ll१ll

       शिवार हीच पंढरी

      भजे ना अन्य देवा

व्याकूळ जरी नयन

       घेई कधी ना विसावा ll२ll

गेली जिंदगी मातीत

खरा धरणीचा पुत्र

त्याच्या घामात लपते

सारे जगण्याचे सूत्र ll३ll

        पोटच्या पोरावानी घेतो

       काळजी सगळ्या पिकाची

        रान बहरून अवघे येता

        गळते आसवे सुखाची ll४ll

मातीत त्याचा जन्म

जपली प्रेमाने नाळ

याच धरणीने रेखिले

त्याच्या आयुष्याचे भाळ ll५ll