रक्षाबंधन
रक्षाबंधन
*बहिण भावाच्या प्रेमाचा*
*रक्षाबंधन पवित्र सण*
*धागा रेशीम बंधाचा*
*येई घेऊनी आनंद घन*
*वचन रक्षणाचे देई*
*पाठीराखा भाऊ सदा*
*नात्यांची घट्ट वीण *
*नसे दुरावा हा कदा*
*मन ओढ घेते माहेरी*
*डोळा अश्रूंचा येतो पूर*
*पहाता सारे आप्त*
*भरून येई मज ऊर*
*औक्षण करून भाऊराया*
*बांधिते रेशमी हा धागा*
*जपते हृदयात तुझी रे*
*एक प्रेमळ अशी जागा*
*सखा श्रावण गुंफितो*
*सणांचा रम्य सोहळा*
*मागते मागणे देवा*
*मिळो भाऊ असाच आगळा*
*स्वप्ने ओंजळ तुझी भरो*
*कमी कधी न काही पडो*
*राहो नाते आपले अतूट*
*सदा भेट तुझी बंधू घडो*