साथ तुझी असतांना..

साथ तुझी असतांना 

भीती नसते रे मला कशाची  

सोबत असावा सदैव 

असाच तू

खडतर वाट 

चालतांना आयुष्याची  

मनकवडा, शालीन तू असा 

कसा प्रत्येक गोष्ट जाणतो मनातली

निःशंक होते मन 

घट्ट होते विण नात्याची 

मिठी तुझी मला भासते

 प्रेमाची अन् अतूट विश्वासाची  

सहवासात तुझ्या झाले 

आयुष्य नभात फुललेली चांदणी 

 सोबत तुझी असतांना 

जीवनात अविरत 

बरसात होई सुखाची

राहू असेच आजन्म बनून एकमेकांची सावली 

दे अशीच साथ जीवनाच्या प्रत्येक पावलोपावली 

इच्छित सारे मिळून तुला

 निरोगी आयुष्य लाभावे  

एवढीच इच्छा मनी 

तुझ्या प्रत्येक सुख दुःखात

माझे स्थान नेहमी असावे 

अव्यक्त भावना मनीच्या व्यक्त झाल्या

ह्या क्षणी फुलला प्रीतीचा वेल अंगणी

तुझ्यासोबत झाले मी समृद्ध या जीवनी .