साथ मला देशील ना
साथ मला देशील ना
खोट्यात मी पडल्यावर
विश्वास माझ्यावर करशील ना...
सुख-दुःखाच्या प्रत्येक क्षणी
हात हाती घेशील ना...
आयुष्यभराची साथ सख्या मला तू देशील ना..||1||
चुकले मी कुठेही जरी
मला तू समजावशील ना...
हरवून मी जाताच कुठे
मला तू शोधशील ना...
आयुष्यभराची साथ सख्या मला तू देशील ना..||2||
हृदयाची हाक माझी
हळूच तू ऐकशील ना...
या वेड्या परीच्या मनाला
तू तरी समजून घेशील ना...
आयुष्यभराची साथ सख्या मला तू देशील ना..||3||
तुझी राणी बनून जगात या
मला तू फिरवशील ना...
तुझ्या नावाचं कुंकू
माझ्या माथ्यावर लावशील ना...
आयुष्यभराची साथ सख्या मला तू देशील ना..||4||
कितीही भांडण झाले जरी
मिठीत मला तू घेशील ना...
शब्द कमी पडले माझे
तरी भावनेतून मला समजून घेशील ना..
आयुष्यभराची साथ सख्या मला तू देशील ना..||5||