सांग ना...

किती क्षण आठवणीत तुझ्या

हृदयात कोरलेले येती डोळ्यांपुढे

विसरू तरी कसं या सर्वांना .......सांग ना

काय समजावू या मनाला ........सांग ना

का असा अर्ध्यावर डाव मोडून निघून गेला

कधी एवढा दुरावा आपल्यात आला .......सांग ना

दोन्ही मनांत लपलेली ही अविरत हळहळ

जीवनात मिळालेले हे एकटेपणाचे वळ

पुसून टाकता येतील का कधीं .......सांग ना

मला साथ मिळेल का तुझी ........सांग ना

मनातल्या सवालांचं उठलेलं हे उधाण 

होऊ शकेल का यांचं समाधान ........सांग ना

किती गुजगोष्टी करायच्या राहिल्यात

ज्या ओठांच्या कडांवर येऊन थांबल्यात

कधी तरी या ऐकशील का ........सांग ना

असा का रुसलास माझ्यावर .........सांग ना

किती रुक्ष हा वारा कुठे हरवला गारवा

येईल का तो ऋतू परतूनी प्रेमाचा .......सांग ना

बघता तुला समोर मज स्मरल्यात त्या भेटी

गहिवरले मन पाहुनी तुझ्या नयनांतील मोती

प्रेमाच्या खेळात असे का होते ........सांग ना

का सारखे भासांत मन रमते ........सांग ना

ओलावतात पापण्या जेव्हा ढासळतो मनाचा तोल

कळेल का रे तुला कधी माझ्या प्रीतीचं मोल .......सांग ना

बघून तुझ्या डोळ्यातील प्रेमाच्या सरी

वाटत मिळेल मनाला आता एक नवी उभारी

आस लागली जीवा होईल का पुरी .......सांग ना

रुसलेलले ते क्षण हसतील का परतुनी .......सांग ना

ऐक हृदयाची स्पंदने अन् साद काळजाने दिलेली

सावरशील का रे स्वप्ने ती विखुरलेली .......सांग ना