ही रात्र चांदण्यांची...

तुझ्या येण्याने आयुष्यात 

जगण्याचा आनंद मिळाला

काजळाचा टीका लावते 

ग्रहण लागू नये या क्षणाला

ऐक सख्या एकदा

या मनाची अस्थिरता

कस सांगू तुला 

या भावना मनातल्या

त्या मोहक चांदण्या रात्रीत

मिठीत तुझ्या उमलतांना

नकळत कधी मी माझ्या 

काळीज अर्पिले तुला

नाजूक हळुवार स्पर्शात तुझ्या

हलकेच शहारून गेले 

जणू मनाच्या बगीच्यात

अप्रतिम फूल उमलले

आल्हाद सहवासात तुझ्या

आचिंब ओले भिजताना

मनही माझे ना राहीले

तुझ्यात गुंतत असताना

शालू नेसूनी चांदण्यांचा

पुन्हा रात्र अवतरली

सुखाचे ते क्षण वेचण्या मी

मिठीत तुझ्या विसावली