रंगात रंगले मी
रंगात रंगले मी
उधळले प्रीतीचे रंग तू
तुझ्या रंगात रंगले मी
छेडल्या हृदयाच्या तारा
तुझ्या प्रत्येक हास्यात
नकळत हरवले मी
जिवापाड जपले तू
श्वास गुंतवूनी
तुझ्यात रमले मी
क्षणात आपले केलेस
तुझ्या वेड्या प्रितीत
बेधुंद झाले मी
भावनांचे विश्व
निर्मिलेस तू
भावविश्वाच्या स्पंदनात
बुडाले मी
रंग आपल्या नात्याचा
पाहुनी असे भारावले मी
बरसविल्या प्रेमाच्या सरी तू
त्या हळव्या क्षणात
स्वच्छंद भिजले मी
उधळले प्रितीचे रंग तू
तुझ्या रंगात रंगले मी..