रंग बरसे

चाहूल ती श्रावणाची

मनाचा रंग ,प्रेमाचा रंग,

रंगपंचमी अवतरली //

तू राधा , मी शामरंग ,

विसरुनी भान,

रंगरानी माझी बहकली //

रंग स्वतःचा विसरुनी ,

नव नात्यांनी ,

रंगात तनु एकवटली //

घालुनी अंतर्मनाला साद ,

बेधुंद मनाचा बांध ,

सखी मनमुराद बागडली //

प्रेमाचा रंग , रंगात रंग ,

रंगात माझ्या रंगताना ,

काया तिची थरथरली //

उधळूनी रंग ,प्रेमाची भांग ,

मन हे उधाण,

नखशिखांत धरा शहारली //

भिजुनी चिंब न्हाली ,

लाजेने चूरचूर ,

वस्त्रे तनुस लिपटली //

नाना रंग ल्यालेली ,

रंगांचा नाद भारी ,

लतावेली जणू ती दरवळली //

रंगलो जणू असे की ,

क्षणात रेषा रंगांची ,

मी तिच्या सवे रेखाटली //

चाहूल ती श्रावणाची

मनाचा रंग ,प्रेमाचा रंग,

रंगपंचमी अवतरली.....