रानवाटा
रानवाटा
माझा बाप शेतकरी
रान फुलवी जोमान
कशी डोलते शिवारी
तरु लतेची कमान
स्वारी रानात निघता
संगतीला रानवाट
नाद झुळझुळ कानी
कसा भुलवितो पाट
माझी पाऊले सानूली
तुडविती रानवाटा
अनवानी या पायात
कधी रुतलाही काटा
कधी माखला चिखल
गमबुट शोभे पायी
रानवाटा धुंडाळत
मला चालण्याची घाई
गर्द हिरवी ती झाडी
जणू अवतरे स्वर्ग
रानी देखावा पाहण्या
रानवाट असे मार्ग
याच रानवाटांवर
लुटलेला रानमेवा
माझ्या रानवाटांनो गं
माझी आठवण ठेवा!!!!