पत्नी अन् आई
पत्नी अन् आई
मनातले तुझ्या मीच तर ओळखणार
मनातच घुसमटणाऱ्या तुझ्या भावना
कुटुंबा साठी सोसत असलेल्या यातना
सांग माझ्याविना कोणाला समजणार
पत्नी अन् आई बनून तुझे सर्व परिश्रम
माझ्यासह मुलांच्या सुखासाठीची धडपड
संस्कार, स॔गोपनाचे ते काम अती अवघड
लीलया करतेस देवून संपूर्ण वेळ अन् श्रम
दिवसरात्र करत असतेस आमचाच विचार
अन् आम्हावर निस्सीम प्रेमाची उधळण
घेतेस नेहमी आनंद देण्यासाठी पुढाकार
रागावली तरी दिसतो त्याग आणि समर्पण
खरच प्रीत तुझी आहे अनाकलनीय फार
मात्र पत्नी अन् आई म्हणून आहेस तू थोर