पृथ्वी

पृथ्वीचा आधार झाडांना 

झाडांचा आधार पृथ्वीला 

संकट येते त्यांच्यावर 

धोका येतो मानवाला 

हे विश्व सत्य आहे

कधी कळणार मानवाला 

जेव्हा संकटात जग

मह्त्त्व येई प्राणवायूला 

याचा परिणाम भूतलावर 

त्सुनामी, भूकंप, महापूर 

याचा सबंध निसर्गाशी 

गारपिटी, ढगफुटी धरतीवर 

नाही आळा प्रदूषणाला 

मानवी जीवनावर घाला 

अती वृक्षतोड भोवली 

माणसाच्या विनाशाला  

असे येती भयंकर रोग 

नियंत्रणाच्या पलीकडे 

 घेतले बळी माणसाचे 

औषध सापडेना कुणीकडे 

मह्त्त्व झाडांचे जाणा 

सत्यात रोग आवरेना 

प्राणवायुची किंमत अनमोल 

जीवदान द्यारे झाडांना 

सूडबुद्धी नको वृक्षांशी 

असो कितीही दुष्मनी 

जतन करून वृक्षांचे 

 खत, पाणी द्या सेवनी