प्रेमगीत

दोन जीवांची इथे भेट झाली

रात्र सारी आज चांदण्यात न्हाली ||धृ ||

तुला पाहता मन हे मोहरले

तुझे माझे नेत्री शब्द अश्रूरूप झाले 

शब्दावीण संवाद अंतर्यामी झाला 

तुझे माझे मनी आज अनुराग झाला ||१ ||

तुझे लाजणे ते अन् हसून बघणे 

मोग-यांचे गजरे केसांत गं माळणे 

तुझ्या स्पर्शाने तनु रोमांचित होई 

तुझा आणि माझा श्वास एकरूप होई ||२ ||

तुझे माझे नाते चिरंतन राहो 

प्रेमभाव आपुल्या मनी वृद्धिंगत होवो 

एकमेका साथीने जीवन जगणे 

शरीरे वेगळी मन एकरूप होणे ||३ ||