प्रेम म्हणजे?
प्रेम म्हणजे?
प्रेम म्हणजे?
प्रेम म्हणजे खळखळणा-या
थंड झ-याचे पाणी
प्रेम म्हणजे सळसळणा-या
मंद वा-याची गाणी
प्रेम म्हणजे भळभळणा-या
रक्ताची धार
प्रेम म्हणजे रिमझिमणा-या
पावसाची मार
प्रेम म्हणजे लुडबुडणा-या
मनी माऊचा स्पर्श
प्रेम म्हणजे हळहळणा-या
दुःखी मनाला हर्ष
प्रेम म्हणजे वळवळणा-या
नागिनीचा दंश
प्रेम म्हणजे जीव जगवणा-या
अमृताचा अंश ....
प्रेम म्हणजे जळजळणा-या
आगीचा तांडव
प्रेम म्हणजे थंडावणा-या
बर्फाचा मांडव
प्रेम म्हणजे तडफडवणा-या
विरहाची धग
प्रेम म्हणजे मिसळणा-या
दोन जीवांचा ढग
प्रेम म्हणजे तेजाळणा-या
सुर्याशी संग
प्रेम म्हणजे उधळणा-या
इंद्रधनुष्याचे रंग
प्रेम म्हणजे न उलगडणा-या
विज्ञानाचा ध्यास
प्रेम म्हणजे जग व्यापणा-या
तंत्रज्ञानाचा भास
प्रेमभावना कधीच नाही शब्दात मावणारी
प्रेम असते फक्त जाणीव हृदयात मावणारी