पाऊस
पाऊस
मेघ दाटले नभी तुझ्या सयींचा ठाव लागला
मनी मुसळधार पाऊस सरीवर सर कोसळत जाते
तुझ्या सयींची सर काळजावर कोरत जाते
ती पहिली भेट, तो पहिला पाऊस
ती बेभान नजर, तो वाफाळलेला चहा
त्या अव्यक्त भावना, त्या आश्वासक नजरा
तो गार वारा, अंगावरील शहारा
त्या प्रेमळ नजरा, साक्षीला निर्सग सारा
स्वप्नांची ती दुनिया, मोहाची ती माया
मंतरलेल्या क्षणांचा ठाव घ्याया
आज नभी मेघ दाटूनी आले
माझ्या मनीचा ठाव घ्याया!