लाइब्रेरी
प्रोफाइल
पाठम्होरा...!
पाठम्होरा...!
1 min
231
उभ्या आयुष्याचा उंबरा
आज पाठम्होरा झाला
वळून पाहिले ना त्यानं
चेहरा झाकूनी घेतला....!
अनवाणी पाय आता
हतबल होऊनी गेले
आधाराची काठी शोधताना
दिवस वार्‍यानं उडूनी नेले...!
कुंकू लाखमोलाचं गं माझं
आजाराच्या बाजारात
जणू समईच्या ठायी मी
कापसाची वात....!
पिकल्या देहानं गं आता
जीव लढाया लाविला
रक्ताच्या नात्यांच्या राखेचा
टिळा भाळी मी लाविला...!
संग सोबत अशीच
जन्मभराची मिळू दे
तुमच्या पायी धनी माझा
उभा जन्मचं जळू दे....!
