ओझे अपेक्षांचे घेऊन पाठीवर

ओझे अपेक्षांचे घेऊन पाठीवर

लहानपणा पासून सतत वावरत आहे

आईबाबांच्या इच्छे खातीर करत आले

आज नाही कोणीच माझ्याकडे पाहे.

संसाराचे चाक ओढते नाही पर्वा कुणा

त्यात मोठे काय बरे म्हणायचे असते

'जावे त्यांच्या वंशा' मनात समजून

कोणालाच काही बोलायचे नसते.

सगळ्याच सर्वांच्या अपेक्षा पूर्ण करणे

नाकी नऊ येत असतं,तरी करत असतो

एवढं करून सुध्दा मवाळ शब्द मिळणे

नशिबात माझ्या कधीच तो नसतो.

पूरे झाला आयुष्याचा खेळ हा कसरतीचा

श्वास मोकळा मनासारखा घेऊ दे मजला

झिडकारुनी टाकू भार सारा ह्या ओझ्यांचा

स्वतःचा आता विचार करणार सांगते तुजला.

स्त्री जन्मा ही तुझी कहाणी तूच केली

पूरे कर आता सारे, फक्त जग तू आता

तुझ्याच सुखाची ओझी घे तू आता पाठी

लक्षात ठेव तू ही आहे जगी एक माता.