नव्या आशा

 नव्या आशा नव्या दिशा

आली घेवून पहाट 

नव्या उमेदीने मांडू 

नवं स्वप्नपूर्ती थाट ||१||

आनंदाने बहरण्या

जगण्या नवी कातर 

पाकळ्यांनी उमलून

दरवळावे अत्तर ||२|| 

नव्या वर्षाचे स्वागत

वारे आनंदी वहाते

गीत जीवनाचे गावे 

पुन्हा सुरळीत व्हावे ||३||

मनी करून संकल्प

राहू जिद्दीने लढत 

वसा सत्कर्माचा घेत 

धर्म मानव जपत ||४||

द्वेष सारे दूर सारु

सत्य चाकोरीत धरु 

शुभ आरंभ कार्याचा 

मांगल्य स्विकार करु ||५||