मामाच्या गावा जाऊ

जाऊ मामाच्या गावा

गाव मामाचा मोठा

हिरवी दाट झाडी झुडूपा

नागमोडी सुंदर पाऊलवाटा ||१||

हुर्रे उन्हाळी सुट्टीची मौजमजा

स्वछंदी पक्षासम बागडत

झाडावर बसू आंबा, पेरु खाऊ

खळखळ वाहे पाट हिरव्या शेतात ||२||

मामाचे मंगलोरी कौलारू घर

धूरकांडी नळी दिसते घरावर

घराच्या चहूभोवत कुंपण

बांबू माणग्याचेच मुख्यद्वार ||३||

मामा मामी लाडीक वाळ

आजी आजोबा मायाजाळ

भरभरून झिरपे प्रेमसागर

मिळे आम्हा सर्वकाळ ||४||

अन्नपूर्णा मामीचे जेवण रुचकर 

मामा आणितो रानमेवा भरपूर

ताव मारु पुरणपोळी शिखरणावर

आजोळी आठवणींचा उरभर महापूर ||५||

गावच्या पायथ्यालगत लागून

सरोवर तलाव नदी पाण्याचा

सवंगड्यासंग गाणे गात पोहण्याचा

हर्ष आनंद मिळे जगण्याचा ||६||