वसुंधरा जननी

उचलून संसार भार 

गेली थकून पार 

सोसेना वसुंधरेला आता

प्रदूषणाचा भडीमार ||१||

डोळ्यातून धरेच्या अश्रूधारा वाहे 

मानव प्राण्याला नजरेस न दिसे

हिरवा शालू तिचा मलीन भासे 

वेदनांचे घाव युगेयुगे सोसे ||२|| 

हिरवेगार वृक्ष

वसुंधरेचा खरा प्राण 

वाढवू निसर्गाची शान 

करु पर्यावरणाचे संवर्धन ||३||

थांबवूया आता नासधूस

साधताना आपली प्रगती

सृष्टी वसुंधरा जननीची

आपल्यामुळे न व्हावी अधोगती ||४||

वृक्ष, पाणी अन् हवा

मानवाची अनमोल दवा 

खोल विचार करावा

निसर्गातून बोध व्हावा ||५||

निसर्गच आपला सखा सोबती

सृष्टी पर्यावरणाला वाचवू या 

वृक्ष लागवड करुनी 

भविष्य आपले घडवू या ||६||