गौरव महाराष्ट्राचा

गड किल्ले, सह्याद्री रांगा 

दख्खनच्या पठाराची खाण

हिरवळ सृष्टी पिके शेतीभाती

छत्रपती शिवशंभू महाराष्ट्राची शान||१||

अवघ्या महाराष्ट्राचा कळस 

दिव्य त्यांचे साक्षात्कार

आमचे छत्रपती शिवराय

करू त्यांचे स्वप्न साकार ||२||

जिजाऊंच्या आम्ही लेकी

कुठे न आम्ही मागे पडती

जिजाऊ,अहिल्या,सावित्रीबाई

परंपरा हिच आमची संस्कृती ||३||

महाराष्ट्र माझा संतांचा 

मायबोली संस्कारमय

ग्रंथ, गाथा, पसायदान

जीवन अवघे सुखमय ||४||

शेतकरी राष्ट्राचा पोशिंदा

डॉक्टर्स, नर्स, पोलीस, आर्मी

अग्निशामक स्वयं सेवक

कर्तव्यपार सत्कर्मी ||५||