नकळत सारे घडले......
नकळत सारे घडले......
अबोल प्रित आपली गुंफता
घट्ट नाते हे नयनांशी जडले
इशाऱ्याची भाषा कळली तुला
बघ कसे नकळत सारे घडले
नजरानजर तुझ्याशी होता
काळीज माझे रे धडधडले
वाटे स्वप्नवत हे सारे मजला
कसे नकळत सारेच घडले
अल्लड मी प्रीतीत साजणा
तुझ्याकडे कशी मी ओढले
तुझ्या बाहुत रे विलीन होता
आज हे नकळत सारे घडले
धुंद होता प्रीतीत तुझ्या मी
सुंदर स्वप्न मला हे पडले
हात हाती मी दिला तुझ्या रे
पुन्हा नकळत सारे घडले
ओथंबलेले भाव माझ्या मनीचे
हृदयाला तुझ्या जाऊन भिडले
मोहरून गेले तुझ्यात सख्या मी
प्रीयतमा नकळत सारे घडले