नातं तुझं माझं

तुला त्रास होईल,

असंही काही करणार नाही.

कितीही त्रास सहन करेन,

पण तुला सोडणार नाही.

जपायच आहे आयुष्यभर,

मोठेपणाचा हव्यास नाही...

माघार मी घेणार नाही,

तुलाही घेऊ देणार नाही.

कवडीमोल नाही नातं...

जगावेगळं आहे अनमोल,

भावना जोडलेल्या तुझ्या सोबत,

फक्त हवेत विश्वासाचे प्रेमाचे बोल.

गरजेसाठी नाही नातं जोडलं

सोय म्हणून तर नाहीच नाही...

रक्ताचं नसलं म्हणून काय झालं,

अडकून पडला जीव तुझ्या ठायी.