मुलीचा जन्म
मुलीचा जन्म
मुलीचा जन्म मध्यंतरी नव्हता
मुला इतकाच महत्वाचा |
मुलाचा जन्मच मात्र प्रतिष्ठेचा
वारसदार ठरे घराच्या सत्वाचा | |१| |
आता मात्र होतंय स्वागत तिचंही
पुर्वी सारखं गर्भापात न करता |
तरी काही अंशी आजही दुर्लक्षित
बेवारसपणे कचऱ्यात सडता | | २| |
आज काही प्रमाणात तरी दिला
जातोय तिला मान सन्मान |
लग्नाच्या मुलांच्या तुलनेत कमीच
मुलींचे जागतिक स्तरावर प्रमाण | |३| |
स्री असते जन्मदात्री पुरुषाची
तिच नवमास साहते त्याचा भार |
पुरुष पिता तशी स्री माता असते
कन्यारूप जन्म घेई आकार | |४| |
मुलीचा जन्म प्रगतीची दिशा
दाखवतो सासर माहेराची |
नको चिंता आईबापाला मुलीच्या
हुंड्याची वा सासरच्या आहेराची | |५| |
सावित्रीबाई फुल्यामुळे मिळतोय
घरातल्या लक्ष्मीचा तिला मान |
मुलीचा जन्म आता स्वागतार्हच
किमान वाटतात तरी साखरपान | |६ | |