मुक्त आनंद

अपराधी बनवून तू मला 

कैदेत ठेवले होते, 

मी कधीच नाही म्हटलं 

तुझ्यावर प्रेम केले होते ||

स्वतंत्र होतो मी 

स्वैराचारी मुळीच नाही, 

आता जीवनात माझ्या 

अशक्य काहीच नाही ||

म्हणून मी खुल्या मनाने 

आज सांगतो आहे, 

सोड बंध प्रेमाचे 

जे तू गुंतवले आहे ||

गेले ते गोड दिवस 

विसर आता तू मला, 

आज मी मोकळा अन् 

करतो मोकळा तुला ||

गारठलेल्या मनात माझ्या 

राग तुझे समजले होते, 

तुझ्या अवचित भेटीचे 

ते क्षण मला कळले होते ||

मी एकटाच त्या रात्री 

पश्चातापाने तेवत होतो, 

तुझ्या स्वप्नांचे रंग मी 

माझ्या अश्रूंनी धुवत होतो ||

तुझ्या चुकीने मला तू 

सर्वांपासून दुर केले होते, 

तुझ्या कैदेतून सुटून 

हे भास मिळवले होते ||

तुझ्या बंधनातून आज मी 

मोकळा झालो आहे, 

तोडून तुझा पिंजरा मी 

मोकळा श्वास घेत आहे ||