मतदान
मतदान
लोकशाहीतील सर्वोच्च अधिकार
तो म्हणजे मतदान
या देशावर जनतेचे राज्य असल्याचा
पुरावा म्हणजे मतदान
गरीब आणि श्रीमंताला एकाच रांगेत
उभे राहायला लावते हे मतदान
चुकीचं शासन करणार्यांना जमीनीवर आणण्यासाठी
महत्त्वाची भूमिका पार पाडते मतदान
लोकांच्या मनातील खदखद व्यक्त करण्याचे
उत्कृष्ट माध्यम म्हणजे मतदान
आपला शासनकर्ता आपणच निवडण्याचा
सन्मान म्हणजे मतदान
लोकशाहीतील अभूतपूर्व सोहळा
म्हणजे मतदान
आणि
या सर्वांचे महत्त्व जाणणारा,
लोकशाहीचा आदर करणारा,
देशाप्रती आपल्या कर्तव्याची जाण असणारा
तोच खरा जागरूक मतदार.....